ەلدىڭ ىرگەلى قۇندىلىقتارى مەن باعىتتارىن ايقىندايتىن باس قۇجاتتىڭ جاڭا جوباسىن قوعام بەلسەندى تالقىلاپ جاتىر. اتا زاڭدى وزگەرتۋگە قاتىستى الىپ-قاشپا اڭگىمەلەر مەن دايەكسىز دەرەكتەر دە از بولعان جوق. ساراپشى, ەكونوميست ايدارحان قۇسايىنوۆ جۇرتتىڭ ساناسىن سان-ساققا جىبەرگەن ساۋالدارعا جاۋاپ بەردى, دەپ جازادى Egemen.kz.
كونستيتۋتسيانىڭ جاڭا جوباسىن تىم قىسقا ۋاقىتتا جاساپ شىقتى دەپ سەنىمسىزدىك بىلدىرگەندەر جوق ەمەس. ساراپشىنىڭ سوزىنشە, بۇل جاڭساق پىكىر. سەبەبى اتا زاڭمەن جۇمىس جارتى جىلعا سوزىلدى. بۇل, شىنىندا, جوبانى ازىرلەۋگە جەتكىلىكتى ۋاقىت.
جاڭا كونستيتۋتسيانى قولدايتىن جالپىۇلتتىق كواليتسيا قۇرىلدى
«كونستيتۋتسيانى ء«ۇش جىل نەمەسە ون جىل» جازۋ كەرەك دەپ ەش جەردە جازىلماعان. قولدانىستاعى قۇجات بار, زاڭ, زاڭناما, سوت تۇرعىسىنان تاجىريبە دە تولىمدى. اتا زاڭمەن جۇمىس ىستەپ جاتقان ماماندار – زاڭگەرلەر, ساياساتتانۋشىلار, ساياساتكەرلەر, قوعام قايراتكەرلەرى, بەيىندى عالىمدار. قىسقاسى, قاتىسقانداردىڭ ءبارى قولدانىستاعى قۇجاتتىڭ وسال جەرلەرىن بۇرىننان بىلەتىن, تۇسىنەتىن جاندار. ال مامان ەمەستەر ءۇشىن كونستيتۋتسيا – قول دىرىلدەپ, «قويمادان» شىعارۋعا جارتى جىل جۇمسايتىن, سوسىن تاعى ءۇش جىل بويى «ىشىندە جاسىرىنعان كيەلى ماعىنالاردى» تەرەڭنەن زەرتتەۋگە ءتيىس قاسيەتتى جادىگەردەي كورىنەتىن شىعار», دەدى ا. قۇسايىنوۆ.
كونستيتۋتسيا – كەمەل كەلەشەك كەپىلى
ساراپشىنىڭ ايتۋىنشا, كونستيتۋتسيا – بارلىق زاڭدار مەن نورماتيۆتىك اكتىلەردەن جوعارى تۇراتىن تۇجىرىمدامالىق قۇجات. وسى سەبەپتى تەڭ نەمەسە ءتىپتى جوعارى تۇرعان نورماتيۆتىك قۇجاتتاردىڭ تۇتاس جەلىسىمەن كەلىسۋدى تالاپ ەتەتىن وپەراتسيالىق قۇجاتتارعا قاراعاندا, ونىمەن جۇمىس ىستەۋ جەڭىلىرەك. ءبىر جاعىنان, باس قۇجات وتە سيرەك قايتا قارالادى.
«تاعى ءبىر ايتا كەتەتىن جايت, اركىمنىڭ جەكە پىكىرى بار ەكەنى تۇسىنىكتى. بىراق اتا زاڭدى جازۋ ۇدەرىسى, ونىڭ ەرەجەلەرى, اتا زاڭنىڭ ءوزى دە, اقيقاتىن ايتقاندا, ءاربىر ادامنىڭ جەكە پىكىرىن ەسكەرۋگە مىندەتتى ەمەس. بۇل كاسىبي ءتاسىلدى تالاپ ەتەتىن زاڭدى قۇجات», دەيدى ساراپشى.
ۆيتسە-پرەزيدەنت: الەمدىك تاجىريبە نەنى دالەلدەدى؟
قۇجات جوباسى كوپشىلىك نازارىنا ۇسىنىلدى. 15 ناۋرىزدا وتەتىن رەفەرەندۋمدا سانالى تاڭداۋ جاساۋعا مۇمكىندىك بار. ساراپشىنىڭ پايىمداۋىنشا, ءدال وسى جەردە كىمنىڭ داۋىس بەرىپ, ازاماتتىق جاۋاپكەرشىلىك تانىتاتىنى, ال كىمنىڭ جاي عانا نارازى بولىپ, قۇر سوزبەن شەكتەلەتىنى انىق كورىنەدى.